കുന്നിക്കോട്: നിരവധി കേസുകളില്‍ പ്രതിയായ യുവാവ് പൊലീസ് പിടിയില്‍. വിളക്കുടി ആവണീശ്വരം ചക്കുപാറ പ്ലാംകീഴില്‍ ചരുവിളവീട്ടില്‍ വിനീത് എന്ന ശിവന്‍ (28) ആണ് ബംഗളൂരുവില്‍ നിന്ന് അറസ്റ്റിലായത്.
രണ്ടുതവണ കാപ്പ ചുമത്തുകയും ഒരുവര്‍ഷത്തോളം ജയില്‍ശിക്ഷ അനുഭവിക്കുകയും ചെയ്തിട്ടുണ്ട്. 2023 ജൂണില്‍ പുറത്തിറങ്ങിയ ശേഷം വീണ്ടും സമാന രീതിയിലുള്ള പരാതികള്‍ ഉണ്ടായ ശേഷം ഒളിവില്‍ കഴിഞ്ഞുവരവേയാണ് അറസ്റ്റ് ചെയ്തത്. കുന്നിക്കോട് എസ്.ഐ ഗംഗാപ്രസാദ്, എ.എസ്.ഐ അമീന്‍, എസ്.സി.പി.ഒ ബാബുരാജ് എന്നിവരടങ്ങിയ സംഘമാണ് പ്രതിയെ കസ്റ്റഡിയിലെടുത്തത്.