ഡല്‍ഹി: ട്വന്റി 20 ലോകചാമ്ബ്യന്മാരായ ഇന്ത്യന്‍ ടീം ഇന്ന് ഡല്‍ഹിയിലെത്തും. ചുഴലിക്കാറ്റിനെ തുടര്‍ന്ന് ബാര്‍ബഡോസില്‍ കുടുങ്ങിയ ഇന്ത്യന്‍ ക്രിക്കറ്റ് ടീമിനെ ബിസിസിഐയുടെ പ്രത്യേക വിമാനത്തിലാണ് നാട്ടിലേക്കെത്തിക്കുന്നത്.ബാര്‍ബഡോസില്‍ കുടങ്ങിയ മാധ്യമപ്രവര്‍ത്തകരും ഇന്ത്യന്‍ ടീമിനൊപ്പം നാട്ടിലെത്തും. ഇന്ത്യന്‍ സമയം രാവിലെ 6.20 ഓടെ വിമാനം ഡല്‍ഹി വിമാനത്താവളത്തില്‍ എത്തുമെന്നാണ് പ്രതീക്ഷിക്കുന്നത്.രാവിലെ 11 മണിക്ക് പ്രധാനമന്ത്രി നരേന്ദ്ര മോദിയുടെ വസതിയില്‍ ഇന്ത്യന്‍ ടീം അംഗങ്ങള്‍ എത്തിച്ചേരും. പിന്നാലെ മുംബൈയിലേക്ക് താരങ്ങള്‍ പോകും. വൈകീട്ട് അഞ്ച് മണി മുതലാണ് ലോകചാമ്ബ്യന്മാരുടെ ആഘോഷപരിപാടികള്‍. മുംബൈയിലെ മറൈന്‍ ഡ്രൈവ് മുതല്‍ വാങ്കഡെ സ്റ്റേഡിയം വരെ ഇന്ത്യന്‍ ടീമിന്റെ റോഡ്‌ഷോ നടത്താനാണ് പദ്ധതി. ആരാധകര്‍ക്ക് റോഡ്‌ഷോ സ്റ്റാര്‍ സ്‌പോര്‍ട്‌സില്‍ തത്സമയം കാണാം.ട്വന്റി 20 ലോകകപ്പില്‍ ഒരു മത്സരംപോലും പരാജയപ്പെടാതെയാണ് ഇന്ത്യന്‍ ടീം കിരീടം സ്വന്തമാക്കിയത്. ട്വന്റി 20 ലോകകപ്പ് രണ്ട് തവണ സ്വന്തമാക്കിയ മൂന്ന് ടീമുകളിലൊന്ന് ഇന്ത്യയാണ്. മുമ്ബ് ഇംഗ്ലണ്ടും വെസ്റ്റ് ഇന്‍ഡീസുമാണ് രണ്ട് തവണ ലോകചാമ്ബ്യന്മാരായിട്ടുള്ളത്. പാകിസ്താന്‍, ശ്രീലങ്ക, ഓസ്‌ട്രേലിയ ടീമുകള്‍ ഓരോ തവണയും ലോകകിരീടം സ്വന്തമാക്കിയിട്ടുണ്ട്.