ദോഹ: കാസര്‍ഗോഡ് ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണന് മികച്ച വനിതാ പ്രവര്‍ത്തകയ്ക്കുള്ള യു ആര്‍ എഫ് അവാര്‍ഡ് സമ്മാനിച്ചു.ഖത്തറിലെ കാസര്‍ഗോഡ് ജില്ലക്കാരുടെ പൊതുവേദിയായ കഡക്‌സ( KADEXA) ആസ്പയര്‍ ഡോം ഇന്‍ഡോര്‍ സ്റ്റേഡിയത്തില്‍ നടന്ന ചടങ്ങില്‍ വച്ച് ഐ സി ബി എഫ് അഡൈ്വസറി കൗണ്‍സില്‍ ചെയര്‍മാന്‍ എസ് എ എം ബഷീര്‍, ബേബി ബാലകൃഷ്ണന് അവാര്‍ഡ് സമ്മാനിച്ചു. ഐ എസ് സി പ്രസിഡണ്ട് ഇ പി അബ്ദുല്‍ റഹ് മാന്‍ അവാര്‍ഡ് ജേതാവിനുള്ള സര്‍ട്ടിഫിക്കറ്റ് കൈമാറി.കാസര്‍ഗോഡ് ജില്ലാ പഞ്ചായത്ത് വൈസ് പ്രസിഡണ്ട് ഷാനവാസ് പാദൂര്‍, യു ആര്‍ എഫ് ചെയര്‍മാന്‍ സുനില്‍ തോമസ് എന്നിവര്‍ പ്രസംഗിച്ചു.ജീവകാരുണ്യ – വ്യാപാര മേഖലകളില്‍ മികച്ച സംഭാവനകള്‍ കാഴ്ചവച്ച സുലൈമാന്‍ ബള്ളൂരിന് ചടങ്ങില്‍ വച്ച് പുരസ്‌കാരം സമ്മാനിച്ചു.കഡക്‌സ പ്രസിഡണ്ട് ബിജു മത്തായി അധ്യക്ഷത വഹിച്ച യോഗത്തില്‍ ജനറല്‍ സെക്രട്ടറി ഉണ്ണി നമ്പ്യാര്‍ സ്വാഗതവും ട്രഷറര്‍ ശ്രീകുമാര്‍ മാങ്ങാട് നന്ദിയും പറഞ്ഞു.