കാസര്‍ഗോഡ് ജില്ലയ്ക്കും പുറത്തും കബഡി രംഗത്തെ അവഗണിക്കാന്‍ പറ്റാത്ത ശക്തിയായി കഴിഞ്ഞ നാലര പതിറ്റിറ്റാണ്ട് കലാ-കായിക രംഗത്ത് നിറഞ്ഞ് നില്‍ക്കുന്ന ഉദുമ പള്ളം വിക്ടറി ആര്‍ട്‌സ് ആന്റ് സ്‌പോര്‍ട്ട് സ് ക്ലബിന്റെ 45-ാം വാര്‍ഷികാഘോഷ കമ്മറ്റി രൂപീകരിച്ചു. ആഗസ്റ്റ് 15 മുതല്‍ ഡിസംബര്‍ 29 വരെ നീണ്ടുനില്‍ക്കുന്ന വാര്‍ഷികാഘോഷ പരിപാടിയില്‍ ജില്ല തല കബഡി ടൂര്‍ണ്ണമെന്റ്, കമ്പവലി ,കാരംസ്, ഷട്ടില്‍ ടൂര്‍ണമെന്റുകളും ഓണാഘോഷ പരിപാടികളും കലാസന്ധ്യയും മുന്‍കാല ഭാരവാഹികളുടെ സംഗമവും ആരോഗ്യ വിദ്യാഭ്യാസ പരിപാടികളും സംഘടിപ്പിക്കും. ക്ലബ് പ്രസിഡന്റ് പി.ആര്‍ പ്രണവന്റെ അധ്യക്ഷതയില്‍ ചേര്‍ന്ന സംഘാടക സമിതി രൂപീകരണയോഗത്തില്‍ വിവി കെ ബാബുവിനെ ചെയര്‍മാനായും ദീക്ഷിത് പി.വിയെ കണ്‍വീനറായും പ്രണവ് പിയെ ട്രഷററായും തിരഞ്ഞെടുത്തു യോഗത്തില്‍ ദീക്ഷിത് സ്വാഗതവും പ്രണവ് നന്ദിയും പറഞ്ഞു.