രാവണീശ്വരം: ചിത്താരി വില്ലേജില്‍ കുട്ടികളുടെ പാര്‍ക്ക് സ്ഥാപിക്കണമെന്ന് ബാലസംഘം ചിത്താരി വില്ലേജ് സമ്മേളനം പ്രമേയത്തിലൂടെ അധികൃതരോട് ആവശ്യപ്പെട്ടു. വാണിയംപാറ എ. കെ സ്മാരകത്തില്‍ വച്ച് നടന്ന സമ്മേളനം ജില്ലാ വൈസ് പ്രസിഡണ്ട് ഇ. ശ്രീഹരി ഉദ്ഘാടനം ചെയ്തു. വില്ലേജ് പ്രസിഡണ്ട് എം.എ അനുപമ അധ്യക്ഷയായി. വില്ലേജ് സെക്രട്ടറി ആര്‍. തേജസ് പ്രവര്‍ത്തന റിപ്പോര്‍ട്ട് അവതരിപ്പിച്ചു. വിവിധ പരീക്ഷകളില്‍ ഉന്നത വിജയം നേടിയവരെ പി. കൃഷ്ണന്‍ അനുമോദിച്ചു. ഏരിയ പ്രസിഡണ്ട് പി.ജിതിന്‍, ടി.പി. രാജേഷ്,കെ. സബീഷ്, കെ . വി തേജലക്ഷ്മി, പി.ഗോപിക,പി.ദേവിക കെ. വി.ആര്യനന്ദ, എ.പവിത്രന്‍ മാസ്റ്റര്‍, എ. സുരേന്ദ്രന്‍ തുടങ്ങിയവര്‍ സംസാരിച്ചു. സംഘാടക സമിതി ചെയര്‍മാന്‍ പി. രാധാകൃഷ്ണന്‍ സ്വാഗതവും എ. മണികണ്ഠന്‍ നന്ദിയും പറഞ്ഞു.ബാലസംഘം ചിത്താരി വില്ലേജ് കമ്മിറ്റി പുതിയ ഭാരവാഹികള്‍.
എം. എ. അനുപമ പ്രസിഡണ്ട് ആര്‍.തേജസ് സെക്രട്ടറി എ.പവിത്രന്‍ മാസ്റ്റര്‍ കണ്‍വീനര്‍ എ.സുരേന്ദ്രന്‍ കോര്‍ഡിനേറ്റര്‍