തിരുവനന്തപുരം: കേരളത്തില് ഇന്ന് വ്യാപകമായ മഴക്ക് സാധ്യതയില്ലെന്ന് കാലാവസ്ഥ പ്രവചനം. കണ്ണൂര്, കാസര്കോട് ജില്ലകളില് മാത്രമാണ് ഇന്ന് യെല്ലോ അലര്ട്ട് പ്രഖ്യാപിച്ചിട്ടുള്ളത്.നാളെയാകട്ടെ മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ടുണ്ട്. അതേസമയം കണ്ണൂര്, കാസര്കോട് തീരങ്ങള്ക്ക് പ്രത്യേക ജാഗ്രത ആവശ്യമാണെന്നും ഉയര്ന്ന തിരമാലകള്ക്കും കടല് കൂടുതല് പ്രക്ഷുബ്ദ്ധമാകാനും സാധ്യതയുള്ളതായി അറിയിപ്പുണ്ട്.കണ്ണൂര്, കാസര്കോട് തീരങ്ങള്ക്ക് പ്രത്യേക ജാഗ്രത ആവശ്യമാണ്. ഉയര്ന്ന തിരമാലകള്ക്കും കടല് കൂടുതല് പ്രക്ഷുബ്ദ്ധമാകാനും സാധ്യതയുള്ളതായി ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചിട്ടുണ്ട്. കേരള തീരത്ത് 28.07.2024 ന് രാത്രി 11.30 വരെ കള്ളക്കടല് പ്രതിഭാസത്തിനും 2.3 മുതല് 3.1 മീറ്റര് വരെ ഉയര്ന്ന തിരമാലയ്ക്കും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.തമിഴ്നാട് തീരത്ത് 28.07.2024 ന് രാത്രി 11.30 വരെ കള്ളക്കടല് പ്രതിഭാസത്തിനും 1.9 മുതല് 2.8 മീറ്റര് വരെ ഉയര്ന്ന തിരമാലയ്ക്കും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. ലക്ഷദ്വീപ്, കര്ണാടക തീരങ്ങള്ക്കും ഉയര്ന്ന തിരമാല ജാഗ്രത മുന്നറിയിപ്പ് നിലനില്ക്കുന്നു. ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിയ്ക്കുക.