നൗഷാദ് ബായിക്കരയുടെ അദ്ധ്യക്ഷതയില്‍ പ്രസ്റ്റീജ് സെന്റെറില്‍ വെച്ച് നടന്ന ചടങ്ങില്‍ വെച്ച് അലയന്‍സ് ക്ലബ്ബ് ഇന്റെര്‍ നാഷണല്‍ ഡിസ്ട്രിക് ചെയര്‍മാന്‍ സമീര്‍ ആമസോണിക്‌സ് എസ്ദാന് മുഹമ്മദ് ഫൈസലിനെ മൊമെന്റോ നല്‍കി അനുമോദിച്ചു. ചടങ്ങില്‍ അന്‍വര്‍ കെ.ജി സ്വാഗതം പറഞ്ഞു, സിറാജുദ്ധീന്‍ മുജാഹിദ്, നാസിര്‍ എസ്.എം ലീന്‍ , സലീം കളര്‍ പിക്‌സ് , അബ്ദുല്‍ ഹക്കീം എതിര്‍തോട് തുടങ്ങിയവര്‍ സംബന്ധിച്ചു കാസര്‍കോട് സ്വദേശിയായ യംഗ് പ്രോഡിജി ഇന്ത്യ ബുക്ക് ഓഫ് റെക്കോര്‍ഡ്‌സില്‍ പ്രവേശിച്ച എസ്ദാന് മുഹമ്മദ് ഫൈസല്‍ 2 വര്‍ഷവും 4 മാസവും പ്രായമുള്ളപ്പോള്‍ ശ്രദ്ധേയമായ നേട്ടം കൈവരിച്ചു. കേരളത്തിലെ കാസര്‍ഗോഡ് സ്വദേശിയായ എസ്ദാന് ഇന്ത്യ ബുക്ക് ഓഫ് റെക്കോര്‍ഡ്സിന്റെ ‘ഐബിആര്‍ അച്ചീവര്‍’ എന്ന ബഹുമതി ലഭിച്ചിട്ടുണ്ട്.രൂപങ്ങള്‍, ഭക്ഷ്യയോഗ്യമായ ഇനങ്ങള്‍, പഴങ്ങള്‍, നിറങ്ങള്‍, പച്ചക്കറികള്‍, മൃഗങ്ങള്‍ എന്നിവയും അതിലേറെയും ഉള്‍പ്പെടെ 54 ചിത്രങ്ങള്‍, വെറും 4 മിനിറ്റും 50 സെക്കന്‍ഡും കൊണ്ട് മൊബൈല്‍ സ്‌ക്രീനില്‍ ചിത്രങ്ങള്‍ കണ്ട് എസ്ദാന് വിജയകരമായി തിരിച്ചറിയുകയും പേരിടുകയും ചെയ്തതിനാലാണ് ഈ അംഗീകാരം ലഭിച്ചത്. 2024 ജൂണ്‍ 12 ന് അദ്ദേഹത്തിന്റെ റെക്കോര്‍ഡ് സ്ഥിരീകരിച്ചു.ദുബായില്‍ ബാങ്കറായി ജോലി ചെയ്യുന്ന മുഹമ്മദ് ഫൈസലിന്റെ മകനും, അബ്ദുല്‍ ഹക്കീം എതിര്‍തോടിന്റെ പേരമകനുമാണ്.ട്രഷറര്‍ രമേഷ് കല്‍പക നന്ദി പറഞ്ഞു