രാജപുരം: മാലക്കല്ല് നിര്‍മ്മല നഴ്‌സറി സ്‌കൂളില്‍ ശിശുദിനത്തിന്റെ ഭാഗമായി റാലിയും ശിശുദിന യോഗവും സംഘടിപ്പിച്ചു. പി ടി എ പ്രസിഡന്റ് രാമകൃഷ്ണന്‍ അധ്യക്ഷത വഹിച്ചു. മാലക്കല്ല് പള്ളി അസിസ്റ്റന്റ് വികാരി ഫാ. ജോബിഷ്, പ്രിന്‍സിപ്പല്‍ സിസ്റ്റര്‍ നിത്യ എന്നിവര്‍ ശിശുദിന സന്ദേശം നല്‍കി. ശിശുദിനത്തോടനുബന്ധിച്ച് നടത്തിയ മത്സരങ്ങളില്‍ സമ്മാനം നേടിയ കുട്ടികള്‍ക്ക് പഞ്ചായത്തംഗം മിനി പിലിപ്പ് സമ്മാനങ്ങള്‍ വിതരണം ചെയ്തു. മദര്‍ പിടിഎ പ്രസിഡന്റ് പിങ്കി സുനില്‍ സ്വാഗതവും സെക്രട്ടറി ജോണിഷ് ജോണി നന്ദിയും പറഞ്ഞു.